حُسین زندہ باد، حُسین زندہ باد (Hussain Zindabad, Hussain Zindabad)

Hussain Zindabad, Hussain Zindabad.... in mp3

سُنو حُسینیو! سُنو حُسینیو 

حُسین وہ جو زیر تیغ ہنس کے سو گیا

یزید وہ جو ذلتوں کا نام ہو گیا

حُسین وہ جو مرضئی خدا خرید لے

یزید وہ ہے جس کا کوئی نام بھی نہ لے

یزید زندہ رہ کےمردہ باد ہو گیا
حُسین سر کٹاکےزندہ باد،زندہ باد، زندہ باد ہو گیا
زندہ باد ، زندہ باد ، زندہ باد ، زندہ بادزندہ باد 

حُسین زندہ باد، حُسین زندہ باد

یہ کل بھی زندہ باد تھا یہ اب بھی زندہ باد ہے                                                              

حُسین زندہ باد، حُسین زندہ باد                                                            

قُرآن میں حدیث میں یزید کا بیاں نہیں

یزید کی تو قبر کا کہیں بھی کوئی نشاں نہیں

ہاں جا بجا ہے دہر میں حُسین کی اولاد ہے

حُسین زندہ باد، حُسین زندہ باد                                                            

بُرائیوں کو دہر میں یزید عام کر گیا

حُسین سے لڑا تو اپنی موت آپ مر گیا

یہ کل بھی مُردہ باد تھا ، یہ اب بھی مُردہ باد ہے

حُسین زندہ باد، حُسین زندہ باد                                                            

ہر اک شریف ذہن سے یزید اتنا گرِ گیا

کسی نے اپنے لعل کا یزید نام نہ رکھا

یہ کل بھی نا مُراد تھا یہ اب بھی نا مُراد ہے

حُسین زندہ باد، حُسین زندہ باد                                                            

یزید والے تخت پر نصیب کے خراب ہیں

حُسین والے قید میں بھی رہ کے کامیاب ہیں

حُسینیت کی ٹھوکریں یزید اور ابنِ زیاد ہیں

حُسین زندہ باد، حُسین زندہ باد                                                            

جہاں میں سب سے زیادہ اشک جس کے نام پر بہا

زمانے لا غمِ حُسین کا کوئی جواب لا

گنیِز بُک کو بس میرے حُسین سے عناد ہے

حُسین زندہ باد، حُسین زندہ باد                                                            

یزید ایک لاکھ ہوں مقابلے پہ غم نہیں

حُسین والا ایک ہو تو لشکروں سے کم نہیں

حُسین کو بھی اپنے ماتمی پہ اعتماد ہے

حُسین زندہ باد، حُسین زندہ باد                                                            

علیؑ کی بیٹی زینبِ حزیں حُسین بن گئی

شریکتہ الحُسین تھی یزیدیت پہ چھا گئی

حُسین سے پڑھا ہوا سبق جو اِسکو یاد ہے

حُسین زندہ باد، حُسین زندہ باد                                                            

ترانہء حُسین ہے ہاں ساتھ دو حُسینیو

حُسین سے مُراد لو مُراد لو حُسینیو

حُسین جس کو دے دے اُسکی نسل با مُراد ہے

حُسین زندہ باد، حُسین زندہ باد                                                            

نبی کا مُلک پاک ہے ندیم اور ریحان ہیں

ہماری سرحدوں پہ سب حُسین کے جوان ہیں

کرم ہے مصطفی کا اپنا مُلک شاد باد ہے

حُسین زندہ باد، حُسین زندہ باد                                                            

یہ کل بھی زندہ باد تھا یہ اب بھی زندہ باد ہے۔                                                             

حُسین زندہ باد، حُسین زندہ باد                                                             

اماں فضہ بتا دے مجھ کو ، پتھر کیوں آرہے ہیں؟ (Amman Fizza Bata Day Mujhko)

Amma Fizza Bata day mujko.... in mp3

اماں فضہ بتا دے مجھ کو ، پتھر کیوں آرہے ہیں؟
کیسا ہے یہ چراغاں ؟دل ڈوبے جا رہے ہیں

کیا شام آگیا ہے؟

اماں فضہ بتا دے مجھ کو ، پتھر کیوں آرہے ہیں؟

ٰہیں لوگ کس طرح کے ؟ہم سے دُعا کرائیں

اے قیدیو دُعا دو یہ دن نہ ہم پہ آہیں

لے کر دُعاہیں ہم سے دل بھی دُکھا رہے ہیں

کیا شام آگیا ہے؟

اماں فضہ بتا دے مجھ کو ، پتھر کیوں آرہے ہیں؟

نیزوں پے جتنے سر ہیں اک سر ہے اُن میں ایسا

آنکھیں ہیں بند اُسکی اور خاک پرہے گرتا

عباس کا یہ سر ہے ۔ تیور بتا رہے ہیں

کیا شام آگیا ہے؟

اماں فضہ بتا دے مجھ کو ، پتھر کیوں آرہے ہیں؟

آیا جو باب ساعت ۔روکے گئے مُسافر

کہتا تھا شمر ان کو کرنا ابھی نہ حاضر

دربار کو ابھی ہم دلہن بنا رہے ہیں

کیا شام آگیا ہے؟

اماں فضہ بتا دے مجھ کو ، پتھر کیوں آرہے ہیں؟

ماوٗں کی گودیوں سے لپٹے ہوئے ہیں بچے

ہیں ہاتھ رسیوں میں ماؤں کے ایسے جکڑے

بچے جو گررہے ہیں وہ مرتے جا رہے ہیں

کیا شام آگیا ہے؟

اماں فضہ بتا دے مجھ کو ، پتھر کیوں آرہے ہیں؟

اتنا چلے ہیں پیدل کانٹوں پہ سارے قیدی 

تھک جاتی چلتے چلتے چلتی اگر زمیں بھی

پاؤں کے آبلے بھی رو کر بتا رہے ہیں

کیا شام آگیا ہے؟

اماں فضہ بتا دے مجھ کو ، پتھر کیوں آرہے ہیں؟

ہونے لگیں آذانیں کیسے سروں کو ڈھانپیں؟

بازوُ بندھے ہوئے ہیں خُوں رو رہی ہیں آنکھیں

آنکھوں کے خُوں سے رستے خُوں میں نہا رہے ہیں

کیا شام آگیا ہے؟

اماں فضہ بتا دے مجھ کو ، پتھر کیوں آرہے ہیں؟

نیزے پہ رو رہا ہے مُشکل کُشاء کا بیٹا

نا محرموں کے لب پر آیا ہے نام میرا

مُجھ کو کنیز زادے یوں بھی رُلا رہے ہیں

کیا شام آگیا ہے؟

اماں فضہ بتا دے مجھ کو ، پتھر کیوں آرہے ہیں؟

کیوں قافلہ رُکا ہے بجتے ہیں شادیانے 

لہرارہے ہیں اعداء خُوش ہو کے تازیانے

کیوں جشن کا سماں ہے سب مُسکرا رہے ہیں؟

کیا شام آگیا ہے؟

اماں فضہ بتا دے مجھ کو ، پتھر کیوں آرہے ہیں؟

وہ فضل ہو کہ باقرعابد کی بیڑیوں پر

کرنے کو سرد بیڑی چُلو میں پانی بھر کر

وہ جلتی بیڑیوں پر پانی بہا رہے ہیں

کیا شام آگیا ہے؟

اماں فضہ بتا دے مجھ کو ، پتھر کیوں آرہے ہیں؟

کرنے لگا تلاوت نیزے پہ ابن حیدر

ناموس مصطفی کے سر پہ نہیں ہے چادر

نظروں کو اشقیاء کی سرور ہٹا رہے ہیں

کیا شام آگیا ہے؟

اماں فضہ بتا دے مجھ کو ، پتھر کیوں آرہے ہیں؟

ریحان قیدیوں میں برپا تھا شور گریہ

پلکوں سے کر رہی تھیں ماتم جو بنت زہرا

سجاد نوحہ خواں ہیں نوحہ سنا رہے ہیں

کیا شام آگیا ہے؟

اماں فضہ بتا دے مجھ کو ، پتھر کیوں آرہے ہیں؟

ارمان رئیا ارمان رئیا کیوں بعد حُسین جہان رئیا (Arman reya Arman reya kiun Baad Hussain jahan reya)

arman reya arman reya in mp3

ارمان رئیا ارمان رئیا کیوں بعد حُسین جہان رئیا

مظلوم دا صدقہ صلے علیٰ ایمان رئیا قرآن رئیا

فرمایا حُر نُوں زینب نے
نہیں بُھلنے ویرا اے صدمے
افسوس کہ بُھکیاں پیاسیاں دا
دو گھڑیاں تُو مہمان رئیا

ارمان رئیا ارمان رئیا کیوں بعد حُسین جہان رئیا

مظلوم دا صدقہ صلے علیٰ ایمان رئیا قرآن رئیا

پئی روندی سی شرماندی سی 

میں زینب ہاں فرماندی سی

زینب نہ پہچانی جاندی سی 

دل صغرا دا حیران رئیا

ارمان رئیا ارمان رئیا کیوں بعد حُسین جہان رئیا

مظلوم دا صدقہ صلے علیٰ ایمان رئیا قرآن رئیا

کدی بانگ اکبر دی رُکنی نئیں

کدی پُھوڑی شادی مُکنی نئیں

کدی ظلم کہانی رُکنی نئیں

اے زینب دا احسان رئیا

ارمان رئیا ارمان رئیا کیوں بعد حُسین جہان رئیا

مظلوم دا صدقہ صلے علیٰ ایمان رئیا قرآن رئیا

سچ بات نثار نے بول دتی

پیاسے نے حقیقت کھول دتی

وچ گردناں دے قرآن رئیا

پر دل وچ نہ ایمان رئیا

اے عزادارِ حسینی یہ چلن زندہ رہے(Aey Azadar-e-Hussaini ye chalan zinda rehey)

Ey Azadar-e-Hussaini.... in mp3

اے عزادارِ حسینی یہ چلن زندہ رہے
ہاں عزاخانے سجانے کی لگن زندہ رہے

جب عزاء خانہ سجے تو دل بنے فرشِ عزاء

ڈھڑکنوں میں ماتمِ شاہِ ضمن زندہ رہے

اے عزادارِ حسینی یہ چلن زندہ رہے
ہاں عزاخانے سجانے کی لگن زندہ رہے

نوحہ خواں ماتم کے سائے میں سفر کرتے رہیں

ہر بیاضِ غم کُھلے ہر انجمن زندہ رے

اے عزادارِ حسینی یہ چلن زندہ رہے
ہاں عزاخانے سجانے کی لگن زندہ رہے

روزِعاشورا جلوسِ غم کو کیا راحت سے کام

یاد میں پیاسے اسیروں کی تھکن زندہ رہے

اے عزادارِ حسینی یہ چلن زندہ رہے
ہاں عزاخانے سجانے کی لگن زندہ رہے

اے عزادارو چلو مشک و علم کے سائے میں

یہ تجمّل یہ حشم یہ باک پن زندہ رہے

اے عزادارِ حسینی یہ چلن زندہ رہے
ہاں عزاخانے سجانے کی لگن زندہ رہے

جس جگہ تھی موت آساں زندگی دشوار تھی

ہاں وہاں زہرا کے سارے گل بدن زندہ رہے

اے عزادارِ حسینی یہ چلن زندہ رہے
ہاں عزاخانے سجانے کی لگن زندہ رہے

سب عزاخانے ہمارے سب ہی اپنی مجلسیں

اے دُعائے سیدہ یہ اپنا پن زندہ رہے

اے عزادارِ حسینی یہ چلن زندہ رہے
ہاں عزاخانے سجانے کی لگن زندہ رہے

چھوٹے چھوٹے سے علم بچوں کے ہاتھوں میں رہیں

دل میں تابوتِ سکینہ کی چبھن زندہ رہے

اے عزادارِ حسینی یہ چلن زندہ رہے
ہاں عزاخانے سجانے کی لگن زندہ رہے

کر رہے ہیں یہ دُعا زیرِعلم سرورہلال

اے خدا یہ غم بہ فیضِ پنجتن زندہ رہے

اے عزادارِ حسینی یہ چلن زندہ رہے
ہاں عزاخانے سجانے کی لگن زندہ رہے

اچھی نہیں یہ بات نہ رویا کرو بی بی (Achi nahi ye baat na roya karo bibi)

Achi nahi ye baat na roya karo Bibi... in mp3

عاشور کی شب ہائے سکینہ کا وہ رونا
اور سیدِ مظلوم کا بیٹی سے یہ کہنا
ارے تُو روئے میں یہ دیکھ نہیں سکتا سکینہ

اچھی نہیں یہ بات نہ رویا کرو بی بی        

پہلو میں کبھی ماں کہ بھی سویا کرو بی بی

کیا ہوئے کسی شب کو جو ہم گھر میں نہ آئیں
تم ہم کو نہ پاؤ تمہیں ہم بھی نہیں پائیں
تڑپو گی نہیں درد سے وعدہ کرو بی بی

اچھی نہیں یہ بات نہ رویا کرو بی بی          

بیٹھا کرو کچھ دیر چراغوں کو بُجھا کر
سمجھا کرو اس خاک کو اے لاڈلی بستر
بالی کبھی یوں ہی نہیں پہنا کرو بی بی

اچھی نہیں یہ بات نہ رویا کرو بی بی           

کچھ دیر کو یہ فرض کرو ہم نہ رہیں گر
باقی نہ رہے ہاتھ کوئی رکھنے کو سر پر
ماحول یتیموں کا بھی سوچا کرو بی بی

اچھی نہیں یہ بات نہ رویا کرو بی بی            

عادت ذرا تنہائی میں رہنے کی بھی ڈالو
تصویر تصور میں اسیری کی بنالو
آزاد پرندوں کو نہ دیکھا کرو بی بی

اچھی نہیں یہ بات نہ رویا کرو بی بی              

اصغر کو نہ مانوس کرو پیار سے اپنے
اکبر کی عروسی کے نہ دیکھا کرو سپنے
صغرا کے قریب اتنا نہ بیٹھا کرو بی بی

اچھی نہیں یہ بات نہ رویا کرو بی بی              

زندان سے یہ ریحان صداآتی ہے اکثر
جیسے کہ سکینہ سے یہ فرماتے ہوں سرور
اب ڈر سے لعینوں کے نہ جاگا کرو بی بی

اچھی نہیں یہ بات نہ رویا کرو بی بی                

عباس نہ اب لوٹ کے آئے گا سکینہ (Abbas na ab lot key aey ga sakina)

Abbas na ab Laut kay aey ga Sakina... in mp3

نہ رو نہ سکینہ, نہ رو نہ سکینہ

عباس نہ اب لوٹ کے آئے گا سکینہ

اب کون تیرے ناز اُٹھائے گا سکینہ

بھائی سے ودا ع ہو کے یوں فرماتے تھے مولا
اب کون میرے گھر کو بچائے گا سکینہ

عباس نہ اب لوٹ کے آئے گا سکینہ

کیا ہوگا ذرا دیرمیں معلوم ہے ہم کو

تر خُوں میں علم نہر سے آے گا سکینہ

عباس نہ اب لوٹ کے آئے گا سکینہ

اک شور ہے کہرام ہے بی بی لبِ دریا
لگتا ہے کہ اب شیر نہ آئےگا سکینہ

عباس نہ اب لوٹ کے آئے گا سکینہ

تلواروں میں نیزوں میں گھِراہے میرا بھائی
وہ مشک وعلم کیسے بچائے گا سکینہ

عباس نہ اب لوٹ کے آئے گا سکینہ

عباس نہ ہوں گے تیرا بابا بھی نہ ہوگا
اب کون تیری پیاس بجھائے گا سکینہ

عباس نہ اب لوٹ کے آئے گا سکینہ

کس کے لئے بی بی درِخیمہ پہ کھڑی ہو؟
اب کوئی ترائی سے نہ آئے گا سکینہ

عباس نہ اب لوٹ کے آئے گا سکینہ

مشکیزہ ، علم تشنہ لبی، دست بُریدہ
کیا کیا تیرے اس دل میں سمائے گا سکینہ

عباس نہ اب لوٹ کے آئے گا سکینہ

عباس کا وعدہ ہے کہ پانی نہ پیئے گا
پہلے تمہیں کوثر پہ پلائے گا سکینہ

عباس نہ اب لوٹ کے آئے گا سکینہ  

اے سرور و ریحان یہ کہتے رہے مولا
یہ غم تُجھے تاحشر رُلائے گا سکینہ

عباس نہ اب لوٹ کے آئے گا سکینہ