مظلوم دا صدقہ صلے علیٰ ایمان رئیا قرآن رئیا
فرمایا حُر نُوں زینب نے
نہیں بُھلنے ویرا اے صدمے
افسوس کہ بُھکیاں پیاسیاں دا
دو گھڑیاں تُو مہمان رئیا
نہیں بُھلنے ویرا اے صدمے
افسوس کہ بُھکیاں پیاسیاں دا
دو گھڑیاں تُو مہمان رئیا
ارمان رئیا ارمان رئیا کیوں بعد حُسین جہان رئیا
مظلوم دا صدقہ صلے علیٰ ایمان رئیا قرآن رئیا
پئی روندی سی شرماندی سی
میں زینب ہاں فرماندی سی
زینب نہ پہچانی جاندی سی
دل صغرا دا حیران رئیا
ارمان رئیا ارمان رئیا کیوں بعد حُسین جہان رئیا
مظلوم دا صدقہ صلے علیٰ ایمان رئیا قرآن رئیا
کدی بانگ اکبر دی رُکنی نئیں
کدی پُھوڑی شادی مُکنی نئیں
کدی ظلم کہانی رُکنی نئیں
اے زینب دا احسان رئیا
ارمان رئیا ارمان رئیا کیوں بعد حُسین جہان رئیا
مظلوم دا صدقہ صلے علیٰ ایمان رئیا قرآن رئیا
سچ بات نثار نے بول دتی
پیاسے نے حقیقت کھول دتی
وچ گردناں دے قرآن رئیا
پر دل وچ نہ ایمان رئیا
No comments:
Post a Comment